பனி மலை பிரதேசமா ?

பீரங்கி, துப்பாக்கிகளுக்கு
முன்னால் மன்றாடும்
கண்ணீர் துளிகள் :
தார் பூசப்பட்ட ரோடெல்லாம்
ரத்தம் போர்த்தப்பட்ட வழிகள் :
"தேவை சுதந்திரம் 
எமக்கு நிரந்திரம் " - இது
காஷ்மீரிகளின் இதய துடிப்பின் வாசகம் :
ஆக்கிரமிப்பு இந்தியாவிடம்
கேட்கிறார்கள் யாசகம் :- இது
ஒரு தலை ராகம் அல்ல ...
விடுதலை வேகம் ../
660 தீவிரவாதிகளுக்கு
6 லட்சம் சிப்பாய்கள்
காஷ்மீரின் இன்றைய நிலைமை :
இது தான் பாதுகாப்பு எனும்
பேரில் நிகழ்த்தப்படும் கொடுமை :
தீரா நாதமாய் ஒலிக்கும்
சுதந்திர வேட்கைக்கு ...
தீவிர வாத சாயம்
பூசப்படுவதென்னவோ?
விடுதலை எழுப்பும்
உணர்வுகளை நோக்கி
குண்டு மழை
வீசப்படுவதென்னவோ?
நிறைவேற்றுவோம்
ஐ .நா.வின் ஒப்பந்தத்தை ....
ஒளியேற்றுவோம் - அவர்கள்
வாழ்வின் தீப்பந்தத்தை .../
நாளையே நடக்கட்டும்
பாரப்பட்சமில்லா ஓட்டெடுப்பு :
நாமும்  சேர்ந்து நடத்துவோம்
அவர்களுக்கு வரவேற்ப்பு :
இந்தியாவின் சமாதான புறா
இப்பனி மலையில் பறக்கட்டும் ...
ரசாயனம் கலவா காற்றை
இனி பிறக்கும் குழந்தையாவது சுவாசிக்கட்டும்